ԵՐԵՎԱՆ, 5 ապրիլի — Sputnik. Դավիթ Տոնոյանը լրագրողների հարցերին ի պատասխան հայտնեց, որ հրադադարի ռեժիմ սահմանված չէ, կան միայն պայմանավորվածություններ։
Լրագրողների հարցին, թե որքանով են հավաստի տեղեկությունները, որ շփման գծում կրակոցները շարունակվում են, Տոնոյանը հայտնեց, որ սահմանին կրակոցները շարունակվում են, պարբերաբար կրակում են։
Աժ-ում է նաև արտգործնախարարի տեղակալ Շավարշ Քոչարյանը։
Ապրիլի 5-ին` տեղական ժամանակով ժամը 12։00-ին ղարաբաղյան հակամարտության շփման գծում երկու կողմերից կրակոցները դադարել են։
Ապրիլի 1-ի լույս 2-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով Ադրբեջանի կողմից սանձազերծված ագրեսիվ գործողություններն ուղղված էին ոչ միայն զորամասերի, այլև խաղաղ բնակիչների դեմ։
