ԵՐԵՎԱՆ,7 ապրիլի- Sputnik. Դմիտրի Պեսկովը կարծում է, որ իրավիճակը հեռու է կայուն լինելուց։ Նրա խոսքով` պարզապես անհնար է ձեռք բերածի վրա կանգ առնելը, ու ոչ ոք չի պատրաստվում դա անել։ Պեսկովն առանձնակի ընդգծել է, որ Մոսկվան Լեռնային Ղարաբաղի հակամարտության սրման հենց սկզբից ջանքեր է գործադրել դրա կարգավորման պայմանների ստեղծման ուղղությամբ։
«Ռուսաստանը, պահպանելով և՛ Երևանի, և՛ Բաքվի հետ բարի գործընկերային հարաբերությունները, օգտագործում է այդ բարի հարաբերություններն այդ պայմանները ստեղծելու համար՝ աշխատելով ինչպես երկկողմ հիման վրա, այնպես էլ միջազգային մեխանիզմների շրջանակում»,- նշել է ՌԴ նախագահի մամուլի քարտուղարը»,- ասել է Պեսկովը։
ՌԴ նախագահի մամուլի քարտուղարը նշել է, որ հակամարտության սրացումը զգալի հետընթացի է հանգեցրել Լեռնային Ղարաբաղի խնդրի կարգավորման առումով։
Ապրիլի 1-ի լույս 2-ի գիշերը ղարաբաղա-ադրբեջանական հակամարտ զորքերի շփման գծի ողջ երկայնքով Ադրբեջանի կողմից սանձազերծված ագրեսիվ գործողություններն ուղղված էին ոչ միայն զորամասերի, այլև խաղաղ բնակիչների դեմ։ Ապրիլի 5-ին ղարաբաղյան հակամարտության կողմերը պայմանավորվել են դադարեցնել կրակը, սակայն Ադրբեջանը շարունակում է խախտել պայմանավորվածությունը։