Թալիշը ԼՂՀ Մարտակերտի շրջանի գյուղերից մեկն է, սահմանակից է Ադրբեջանին։ Դիրքերից հնչող կրակոցների ձայները սովորական էին այս գյուղի բնակիչների համար։ Այնպես որ, երբ ապրիլի 1-ի, լույս 2-ի գիշերը կրկին կրակոցներ հնչեցին, թալիշցիներն առանձնապես չզարմացան։ Այդ պահին դեռ չգիտեին, որ կրակոցներն ավելի ուշ վայրագությունների են վերածվելու, իսկ մահից փրկվելն անիրական երազանք է դառնալու իրենց համար։
Հայրենի գյուղի ավերումը սեփական աչքերով տեսած ու մաշկի վրա զգացած կինը, որն ամենավերջինն է լքել գյուղը, Sputnik Արմենիայի թղթակցին պատմել է, թե ինչպես են օրեր շարունակ փակված մնացել նկուղում` առանց հաց ու ջրի, բայց` հույսն ու հավատը սրտերում։
