ԵՐԵՎԱՆ, 19 ապրիլի — Sputnik. Մի քանի տասնյակ մարդ Երևանում բողոքի ցույց է կազմակերպել` պահանջելով փոխել «Սոբոսեդնիկ» ՀՏ տնօրեն և հայտնի ձեռներեց Լևոն Հայրապետյանի նկատմամբ կիրառված խափանման միջոցն ու արդար դատավարություն անցկացնել:
Ապրիիլի 14-ից Մոսկվայի Զամոսկվորեցկի դատարանը Հայրապետյանին 4 տարվա ազատազրկման է դատապարտել Բաշկիրիայի նախկին սենատոր Իգոր Իզմեստևի մորից 700 հազար դոլար հափշտակելու համար:
Ակցիայի կազմակերպիչ Սմբատ Ռոստոմյանի խոսքով` երթի մասնակիցները պահանջում են փոխել Լևոն Հայրապետյանի խափանման միջոցը տնային կալանքով:
Լևոն Հայրապետյանը դատապարտվել է չորս տարվա ազատազրկման>>
«Ես իմ պարտքն եմ համարում միանալ այսօրվա բողոքի ակցիային, քանի որ անձամբ ճանաչում եմ Լևոն Հայրապետյանին, գիտեմ, թե ինչ գործունեություն է նա ծավալել ինչպես Ղարաբաղի կայացման, այնպես էլ Հայաստանին աջակցելու և հայ-ռուսական հարաբերությունների կայացման հարցում», — ասաց Ռոստոմյանը:
Ակցիայի մասնակիցները Հանրապետության հրապարակից շարժվեցին դեպի Հայաստանի ԱԳՆ շենք, որտեղ նամակ հանձնեցին` պահանջելով կապ հաստատել ռուս գործընկերների հետ Հայրապետյանի խափանման միջոցը փոխելու համար:
Նման նամակ հանձնվեց նաև Ռուսաստանի դեսպանատուն։ Նամակում նշված է, որ հաշվի առնելով առողջական լուրջ խնդիրները, ակցիայի մասնակիցների կարծիքով, «ռուսական դատական մարմինների կողմից Հայրապետյանի նկատմամբ որպես խափանման միջոց կալանքն ընտրելը ճիշտ չէ»:
Հարցազրույց Հայրապետյանի հետ>>
Բացի այդ ակցիայի մասնակցիները վստահություն հայտնեցին, որ Հայրապետյանն անմեղ է, և կոչ արեցին արդար դատավարություն անցկացնել:
