ԵՐԵՎԱՆ, 21 ապրիլի — Sputnik. ՀՀ կառավարության նիստից հետո լրագրողների հետ զրույցում Արծվիկ Մինասյանն ասաց, որ այսօր չկան այնպիսի սահմանափակումներ, որոնք կարգելեն Թուրքիայից ապրանքների ներմուծումը։ Սակայն նրա կարծիքով` խնդիրը պետք է քննարկվի։
«Ինքներս քննարկում կնախաձեռնենք և հնարավոր լուծումներ կփնտրենք։ Ակնհայտ է, որ երրորդ երկրներից ներմուծվող ապրանքները, եթե վնասում են մեր տնտեսությանը, հատկապես գյուղատնտեսությանը, պետք է կոնկրետ գործողություններ իրականացվեն»,-ասաց նախարարը։
Նրա խոսքով` պետք է այնպիսի կանոններ սահմանվեն, որ մի կողմից համապատասխանեն առևտրի համաշխարհային կազմակերպության առաջ ստանձնած պարտավորություններին, մյուս կողմից` ԵՏՄ-ի կանոնադրությանն ու մեր օրենսդրությանը։
