Երևանում ցուցարարները պահանջում են ճանաչել Լեռնային Ղարաբաղը

© Sputnik / Асатур ЕсаянцՑույց` Սերգեյ Լավրովի այցի նախաշեմին
Ցույց` Սերգեյ Լավրովի այցի նախաշեմին - Sputnik Արմենիա
Բաժանորդագրվեք
НовостиTelegram
Ակցիայի մասնակիցների կարծիքով` Ռուսաստանի ԱԳՆ ղեկավարը հայկական կողմին կառաջարկի Լեռնային Ղարաբաղի հակամարտության կարգավորման ճանապարհներ, որոնք ենթադրում են տարածքային զիջումներ

ԵՐԵՎԱՆ, 21 ապրիլի — Sputnik. Երևանում անցկացվող ակցիայի մասնակիցները պահանջել են ճանաչել Ղարաբաղը և ոչ մի դեպքում հօգուտ Ադրբեջանին տարածքային զիջումների չգնալ։

Շուրջ երկու հարյուր ցուցարարներ Ռուսաստանի արտգործնախարար Սերգեյ Լավրովի այցից ժամեր առաջ երթ կազմակերպեցին Երևանի կենտրոնում և շարժվեցին դեպի Հայաստանի ԱԳՆ շենք և Ռուսաստանի դեսպանատուն։

Ցուցարարները բացականչում էին «ճանաչում»` Հայաստանի արտաքին գերատեսչությունից պահանջելով ճանաչել Լեռնային Ղարաբաղի անկախությունը։

© Sputnik / Асатур ЕсаянцԱկցիայի մասնակիցները պահանջում են ճանաչել ԼՂՀ անկախությունը
Участники акции в Ереване  - Sputnik Արմենիա
Ակցիայի մասնակիցները պահանջում են ճանաչել ԼՂՀ անկախությունը

Բացի այդ` ԼՂՀ հակամարտության կարգավորման նոր փաստաթղթերի վերաբերյալ ռուսական ԶԼՄ-ների հրապարակումների ֆոնի ներքո ցույցի կազմակերպիչները պահանջում էին ոչ մի դեպքում Ադրբեջանին որևէ տարածքային զիջում չանել։

Նրանց խոսքով` խոսք չի կարող լինել նաև հակամարտության գոտի խաղաղապահների ներգրավելու մասին։

Երթի մասնակիցների ձեռքում քառօրյա պատերազմում զոհված զինվորների լուսանկարներն էին։

 

 

Լրահոս
0