ԵՐԵՎԱՆ, 26 ապրիլի — Sputnik. ՀՀ նախագահ Սերժ Սարգսյանը պաշտոնյաներին աշխատանքից ազատելու հրամանագրերը ստորագրել է ապրիլի 26-ին։ Այս մասին հայտնում է ՀՀ նախագահի մամուլի ծառայությունը։
Գեներալ-մայոր Կոմիտաս Մուրադյանն ազատվել է Հայաստանի Հանրապետության զինված ուժերի կապի զորքերի պետ-կապի և ավտոմատացված կառավարման համակարգերի վարչության պետի պաշտոնից։
Գեներալ-մայոր Արշակ Կարապետյանն ազատվել է Հայաստանի Հանրապետության զինված ուժերի գլխավոր շտաբի հետախուզության վարչության պետի պաշտոնից։
Ալիկ Միրզաբեկյանն ազատվել է Հայաստանի Հանրապետության պաշտպանության նախարարի տեղակալ-նյութատեխնիկական ապահովման դեպարտամենտի պետի պաշտոնից։
