ԵՐԵՎԱՆ, 28 ապրիլի – Sputnik. Արցախը փորձելու է այնպես անել, որ բանակցային գործընթաց սկսելու դեպքում ներգրավվի որպես լիարժեք կողմ, այս մասին Արցախի Հանրային Հեռուստատեսությանը և «Մեդիատոն» ընկերությանը տված հարցազրույցում ասել է ԼՂՀ նախագահ Բակո Սահակյանը:
«Բանակցային գործընթացում առանց Արցախի Հանրապետության մասնակցության անհնար է այս հիմնախնդիրը լուծել, որովհետև չկա մի հավանական զարգացում, որպեսզի առանց մեր մասնակցության այս խնդիրը ստանա իր լուծումը: Այդպիսի բան չի լինելու»,- ասել է Բակո Սահակյանը:
Սահակյանը նշել է, որ չնայած այդ մոտեցմանը` իրենց համար խանգարված ձևաչափով բանակցությունները մի քանի անգամ նախընտրելի են պատերազմական գործողություններից, ինչն էլ չի նշանակում, թե իրենք հրաժարվում են իրենց դիրքորոշումից:
Բակո Սահակյանը նշել է նաև, որ այս պահին բանակցային գործընթացի հնարավորություն չի տեսնում:
«Այն, ինչ թույլ է տվել Արբեջանը, երևէ կերպ չի խոսում այն մասին, որ մոտ ապագայում մենք վերադառնալու ենք բանակցային սեղանի շուրջ»,- ասել է նա:
