ԵՐԵՎԱՆ, 3 մայիսի- Sputnik. Դորտմունդի «Բորուսիայի» և Հայաստանի ազգային հավաքականի կիսապաշտպան Հենրիխ Մխիթարյանն ապրիլ ամսվա լավագույն ֆուտբոլիստի կոչման հավակնորդն է, նշված է գերմանական Բունդեսլիգայի կայքում։
Մխիթարյանն անցած ամսվա չորս խաղի ընթացքում դարձել է մեկ գոլի հեղինակ և կատարել վեց արդյունավետ փոխանցում։
Լավագույնի կոչման համար կպայքարեն նաև «Բավարիայի» կիսապաշտպան Արտուտո Վիդալը, «Բայերի» կիսապաշտպան Յուլիան Բրանդտը և «Բորուսիայի» կիսապաշտպան Քրիստիան Պուլիիշիչը։
Նախօրեին Whoscored.com հեղինակային պարբերականն ապրիլի արդյունքներով կազմել է Գերմանիայի առաջնության խորհրդանշական հավաքականի կազմը։
Ամսվա թիմում է ընդգրկվել նաև կիսապաշտպան Հենրիխ Մխիթարյանը։ Նրա միջին գնահատականը կազմել է 8.4։
