Տատյանա Վալովայա. ԵՏՄ–ում միասնական արժույթ ներդնելու անհրաժեշտություն չկա

© Sputnik / Asatur Yesayants / Совещание ЕЭК на уровне руководителей антимонопольных органов государств Евразийского экономического союза (ЕАЭС) и Члена Коллегии (Министра) по конкуренции и антимонопольному регулированию Евразийской экономической комиссии Нурлана Алдабергенова
Совещание ЕЭК на уровне руководителей антимонопольных органов государств Евразийского экономического союза (ЕАЭС) и Члена Коллегии (Министра) по конкуренции и антимонопольному регулированию Евразийской экономической комиссии Нурлана Алдабергенова - Sputnik Արմենիա
Բաժանորդագրվեք
НовостиTelegram
Միասնական արժույթ ներդնելու պահանջն արդիական կդառնա ԵՏՄ տարածքում ընդհանուր շուկայի ստեղծումից հետո

ԵՐԵՎԱՆ, 12 մայիսի- Sputnik. Տվյալ պահին անհրաժեշտություն չկա միասնական արժույթ ներմուծել Եվրասիական տնտեսական միությունում, ասաց ԵՏՀ Կոլեգիայի անդամ, մակրոէկոնոմիկայի և ինտեգրման հիմնական ուղղությունների նախարար Տատյանա Վալովայան մուլտիմեդիոն մամուլի ասուլիսի ընթացքում։

«Ես առայժմ կրկնում եմ այն, ինչի մասին խոսել եմ վերջին երկու տարիների ընթացքում։ Ես հիմա միասնական արժույթ ներդնելու անհրաժեշտություն չեմ տեսնում։ Դրա համար չկան ո´չ պայմաններ, ո´չ պահանջարկ։ Առաջին հերթին մենք ուշադիր ուսումնասիրել ենք Եվրամիության փորձը և շարունակում ենք այն ուսումնասիրել։ Եվ մենք տեսնում ենք, որ ԵՄ-ում միասնական արժույթ սահմանելու համար անհրաժեշտ էին պայմաններ, պահանջարկ, բարձր ինտեգրացիա ունեցող տնտեսություն»,- նշեց Վալովայան։

Նրա խոսքով` դրա հետ մեկտեղ եղել են բացթողումներ, չեն ստեղծվել բանկային և ֆիսկալային միություններ, քանի որ այդ պահին պետություններին դրանք ավելորդ են թվացել, պահանջել են լրացուցիչ լիազորությունների փոխանցում ազգային մակարդակում։

Татьяна Валовая - Sputnik Արմենիա
Փորձագետ. հայկական արտադրանքի արտահանման ավելացումը գործարարների ձեռքում է
«Բայց ճգնաժամն ամեն ինչ իր տեղը դրեց և ապացուցեց, որ միասնական արժույթ սահմանելու համար պետք են մի շարք պայմաններ, որոնք եվրոպացիները ստիպված են եղել իրագործել արդեն միասնական արժույթի սահմանումից հետո»,- ասաց Վալովայան։

Նա հավելեց, որ միասնական արժույթ ներմուծելու և դրանից առավելություն ստանալու համար պետք է ունենալ շատ բարձր ինտեգրացիա ունեցող միասնական շուկա։

«Մենք մեր առջև նպատակ ենք դնում բոլոր հատվածներում ամբողջությամբ ինտեգրված շուկա ունենալ 2025թ.-ի վերջին, երբ բոլոր ապրանքային շուկաները միասնական կլինեն և ծառայությունների շուկաները զգալիորեն միասնական կլինեն։ Ուստի քանի դեռ չկա միասնական շուկա, միասնական արժույթի անհրաժեշտություն նույնպես չկա»,- ասաց նախարարը։

 

 

Լրահոս
0