Ֆրանսիայում բացվեց Կաննի միջազգային կինոփառատոնը։ Նախօրեին երեկոյան գլխավոր հերոսը Վուդի Ալենն էր, ում «Աշխարհիկ կյանք» ֆիլմով բացվեց փառատոնը։ Արարողությանը հյուրերը պատմել են նյույորքցի ռեժիսորի իրենց սիրելի ֆիլմերի մասին, իսկ կարմիր գորգով անցնելիս հնչել են 1930-ական թթ.-ի ջազի հնչյունները։
Ամեն տարի բարձրաշխարհիկ հասարակության ներկայացուցիչները հավաքվում են Լազուրե ափին, որպեսզի մասնակցեն համաշխարհային կինեմատոգրաֆի ամենակարևոր իրադարձություններից մեկին։ Կաննի կինոփառատոնի մասնակիցները մրցում են զգեստների յուրօրինակությամբ, իսկ երկրպագուները փորձում են ամենալավ տեղերը զբաղեցնել` բոլոր աստղերին տեսնելու համար։
Այս տարի Փառատոների պալատը զարդարում է դեղին գույնի հսկայական պաստառ` աստիճաններով վազող մարդու պատկերով։ Կերպարը ոգեշնչված է լեգենդար ֆրանսիացի ռեժիսոր Ժան Լյուկ Գոդարի «Արհամարհանք» ֆիլմից։ Որոշ հյուրեր բացման ժամանակ որոշել են ընտրել փառատոնի պաստառի գույնի զգեստ։
