«Եվրատեսիլ-2016». Ղարաբաղի դրոշի վերաբերյալ խաղադրույքներ չեն արվում

© личная страница Иветы Мукучян в FacebookАрмянская делегация на Евровидении с флагами Армении и Карабаха
Армянская делегация на Евровидении с флагами Армении и Карабаха - Sputnik Արմենիա
Բաժանորդագրվեք
Yandex newsTelegram
Հայաստանում գործող բուքմեյքերական ընկերությունները «Եվրատեսիլ» երաժշտական մրցույթի եզրափակիչ փուլում Ղարաբաղի դրոշը ծածանել-չծածանելու վերաբերյալ խաղադրույքներ չեն ընդունում

ԵՐԵՎԱՆ, 14 մայիսի — Sputnik. «Եվրատեսիլ» մրցույթի ընթացքում Հայաստանում ամենաքննարկված թեման, թերևս, Իվետա Մուկուչյանի ձեռքում պահված ԼՂՀ դրոշն է, դրա շուրջ բարձրացած աղմուկն ու հարցը՝ կկրկնի արդյո՞ք Հայաստանի պատվիրակությունն իր այդ քայլը եզրափակիչ փուլում։

Հայաստանյան բուքմեյքերներն այս ամենաքննարկվող ու վիճելի հարցի վերաբերյալ, պարզվում է, խաղադրույքներ չեն ընդունում։ Ինչպես Sputnik Արմենիային հայտնեցին բուքմեյքերական գրասենյակներից, երաժշտական և սպորտային իրադարձությունների վերաբերյալ դրուքներ ընդունվում են միայն այն հարցերի վերաբերյալ, որոնց մասին «հնարավոր կլինի պաշտոնական տվյալներ ներկայացնել»։

Ивета Мукучян с флагом Карабаха на Евровидении - Sputnik Արմենիա
Հայաստանը «Եվրատեսիլում» Ղարաբաղի դրոշը բարձրացնելու մասին նախապես չի հայտարարում

«Մենք չենք կարող հիմք համարել այն, ինչ այս պահին տեսնում ենք հեռուստաեթերում»,֊ նշեց մեր զրուցակիցը։

Ի դեպ, մեզ նաև հայտնեցին, որ դրոշի մասին խաղադրույք կատարել ու ցանկություն հայտնողներ չեն էլ եղել։ Փոխարենը ակտիվորեն խաղադրույքներ են արվում այս կամ այն երկրի մասնակցի հաղթանակի, առաջին հնգյակի հավանական կազմի վերաբերյալ։ Կան նաև միքսային տարբերակներ՝ կհաղթի այս և կպարտվի այն երկիրը։

Հիշեցնենք՝ Եվրոպական հեռարձակողների միությունը դատապարտել էր ԼՂՀ դրոշի ծածանումը «Եվրատեսիլ» մրցույթում՝ սպառնալով կրկնության դեպքում որակազրկել Հայաստանի մասնակցին ու արգելել մեր երկրին առաջիկա տարիներին մասնակցել մրցույթին։

Լրահոս
0