Մինգեչաուրի ջրամբարում առաջացած խնդիրները սպառնում են Ադրբեջանին թողնել ջրի տակ

© Sputnik / Георгий Зельма / Անցնել ֆոտոբանկМингечаурская ГЭС
Мингечаурская ГЭС - Sputnik Արմենիա
Բաժանորդագրվեք
Yandex newsTelegram
Մինգեչաուրի ջրամբարում որոշակի խնդիրներ են առաջացել, ինչը խիստ վտանգավոր է

ԵՐԵՎԱՆ, 14 մայիսի — Sputnik. Այս մասին լրագրողներին հայտարարել է Ադրբեջանի բնապահպանության և բնական հարստությունների նախարար Հուսեինգուլու Բաղըրովը:

Նա հայտնել է, որ ջրամբարի հողային պատնեշներում ջրի հոսքեր են դիտվում:

«Եթե այնտեղ ջրի մեծ հոսքեր սկսվեն, ապա կարող են լուրջ վտանգավոր խնդիրներ ծագել: Դա ավելի լավ գիտեն այդ պատնեշները կառավարող կազմակերպությունները», —ասել է նա:

Բաղըրովի խոսքով` ներկայում միջոցներ են ձեռնարկվում պատնեշներից ջրի արտահոսքերը վերացնելու ուղղությամբ, ինչը դեռ երկար ժամանակ կպահանջի:

Ջրամբարը սնում է Մինգեչաուրի ՀԷԿ-ին, որը տալիս է Ադրբեջանի էլեկտրաէներգայի պահանջի զգալի մասը: Ջրամբարի դիրքն այնպիսին է, որ եթե այն պահող պատնեշը փլուզվի, ապա Ադրբեջանի ամբողջ հարթավայրային մասը, որը նրա տարածքի կեսից ավելին է, կմնա ջրի տակ:

 

Լրահոս
0