Պոկվել է «Ճանապարհաշինարարներին» հուշարձանի մի հատվածը

© Sputnik / Marine AvanesyanРазбитый памятник
Разбитый памятник - Sputnik Արմենիա
Բաժանորդագրվեք
НовостиTelegram
Հուշարձանի կողոպտումը սկսվել էր ավելի քան տասը տարի առաջ, անգամ քրեական գործ էր հարուցվել իրավախախտների նկատմամբ

ԵՐԵՎԱՆ, 17 մայիսի — Sputnik, Մարինե Ավանեսյան. Բնակլիմայական պայմանների` ուժեղ քամու և կարկուտի հետևանքով վնասվել է Երևան-Սևան մայրուղու 32-րդ կմ-ի վրա գտնվող «Ճանապարհաշինարարներին» հուշարձանի վերևի` դեռևս կանգուն մնացած հատվածը:

Հուշարձանի հեղինակը Դավիթ Բեջանյանն է, այն կառուցվել է 1978թ.-ին:

«Պահպանության ծառայություն» ՊՈԱԿ-ի ՊՄՊ Կոտայքի մարզային ծառայության աշխատակիցները երեքշաբթի առավոտյան կատարած շրջայցի ընթացքում արձանագրել են, որ հուշարձանն ամբողջովին շրջվել և կախվել է, ինչն իրենից լուրջ վտանգ է ներկայացնում, քանի որ ամեն վայրկյան կարող է պոկվել ու ցած ընկնել: Հուշարձանի ներքևի հատվածից էլ 3 մետր երկարությամբ և 1 մետր լայնությամբ մի կտոր պոկվել ու ընկել է գետնին:

Հուշարձանի վնասված հատվածը ՊՄՊ Կոտայքի մարզային ծառայության պատասխանատուները և ՀՀ Ոստիկանության Չարենցավանի բաժնի աշխատակիցները հեռացրել են` տեղափոխելով Չարենցավանի հաստոցաշինական գործարանի տարածք:

© Sputnik / Marine Avanesyan «Ճանապարհաշինարարներին» հուշարձանը
Разбитый памятник Лента бесконечности Давида Беджаняна - Sputnik Արմենիա
«Ճանապարհաշինարարներին» հուշարձանը

Նշենք, որ հուշարձանի կողոպտումը սկսվել էր դեռևս 2007թ.ից: 2009-ին ոստիկանությունը հայտնաբերել էր երեք իրավախախտների, քրեական գործ էր հարուցվել, սակայն, վնասը չփոխհատուցվեց, հուշարձանը չվերականգնվեց:

Հուշարձանի նկատմամբ իրավախախտում էր արձանագրվել նաև 2012 և 2013 թվականներին: Այն հերթական «փորձությանն» էր ենթարկվել 2015 թ. հուլիսի 12-ին. ուժգին քամուց պոկվել էր տարիներ շարունակ բազմակի կողոպուտներից խարխլված հուշարձանի ստորին հատվածը: Չարենցավանի քաղաքապետի համաձայնությամբ` պոկված հատվածը ՊՈԱԿ-ի աշխատակիցների վերահսկողությամբ տեղափոխվել էր Չարենցավանի քաղաքապետարանի կոմունալ ծառայության տարածք` ժամանակավոր պահպանության, որտեղ և պահվում է մինչ օրս:

 

Լրահոս
0