ԵՐԵՎԱՆ, 30 մայիսի — Sputnik. Իրաքում ահաբեկիչները ներխուժել են այն տարածք, որտեղ մադրիդյան «Ռեալ» ակումբի երկրպագուները դիտում էին Չեմպիոնների լիգայի եզրափակիչ հանդիպումը, և անկանոն կրակ են բացել: Այս մասին հայտնում է Р-Спорт-ը` հղում անելով As-ին։
Դեպքը տեղի է ունեցել Բաղդադից 50 կմ դեպի հյուսիս-արևելք գտնվող Բաակուբա քաղաքում։ 12 մարդ զոհվել է, ութը` վնասվածքներ ստացել։ Տուժածներին տեղափոխել են հիվանդանոց։ Մահացածները 18-30 տարեկան են։
Հարձակվողներին հաջողվել է փախչել: Երկրի իշխանությունը համոզված է, որ սա «Իսլամական պետություն» ահաբեկչական խմբավորման ձեռագիրն է։
Նշենք, որ շաբաթ օրը Միլանի «Սան Սիրո» մարզադաշտում կայացած Չեմպիոնների լիգայի եզրափակիչ խաղում «Ռեալի» ու «Ատլետիկոյի» մրցավեճն ավարտվել է մադրիդյան ակումբի հաղթանակով։
