ԵՐԵՎԱՆ, 30 մայիսի — Sputnik. Հայաստանի նախագահ Սերժ Սարգսյանը երկուշաբթի աշխատանքային այցով մեկնել է Լյուքսեմբուրգ, հայտնում են նախագահի մամուլի ծառայությունից։
Ըստ հաղորդման` նախագահը Լյուքսեմբուրգի Մեծ Դքսությունում մասնակցում է Եվրոպական ժողովրդական կուսակցության 40-ամյակին նվիրված հոբելյանական գագաթնաժողովին:
ԵԺԿ-ն ներկայացված է ԵՄ-ի բոլոր քաղաքական ինստիտուտներում, ինչպես նաև Եվրոպայի Խորհրդում։ Հայկական երեք կուսակցությունները` ՀՀԿ-ն, ՕԵԿ-ն ու «Ժառանգությունը» 2012 թ.-ի փետրվարի 10-ին ԵԺԿ-ում դիտորդի կարգավիճակ են ստացել։
