ԵՐԵՎԱՆ, 3 հունիսի — Sputnik. Հայաստանի ալպինիզմի ֆեդերացիայի նոր գրասենյակի հանդիսավոր բացման ժամանակ հայ ալպինիստները սկայպով կապ հաստատեցին հայ ալպինիստուհու` Իռենա Խարազովայի հետ։ Նա ապրում է Մոսկվայում, այդ պատճառով չէր կարողացել մասնակցել բացման արարողությանը։
Ալպինիզմի ֆեդերացիան հաղորդեց, որ Իռենան անակնկալ ունի ներկաների համար։
Ֆեդերացիայի հյուրերն անհամբերությամբ սպասում էին, թե ինչ անակնկալ է պատրաստել ալպինիստուհին։ Պարզվեց, որ նա Էվերեստի գագաթ է բարձրացրել Արցախի Հանրապետության դրոշը։
