Սելֆի անող պատանին ընկել է կամրջից

© Sputnik / Сергей Мальгавко / Անցնել մեդիապահոցОтдых в Крыму
Отдых в Крыму - Sputnik Արմենիա
Բաժանորդագրվեք
НовостиTelegram
Պատանին սելֆի անելիս երկաթուղային կամրջից ընկել է բարձրավոլտ լարերի վրա

ԵՐԵՎԱՆ, 6 հունիսի — Sputnik. Տասնհինգամյա պատանին փորձել է սելֆի անել Բրյանսկի Սնեժետ գետի վրայով անցնող երկաթուղային կամրջի վրա, սակայն սայթաքել է և ընկել բարձրավոլտ լարերի վրա։ Կոտրվածքներ և այրվածքներ ստացած տղային տեղափոխել են հիվանդանոց։ Այս մասին հայտնում է Արտակարգ իրավիճակների նախարարության գլխավոր վարչությունը:

«Ենթադրվում է, որ հունիսի 6-ին 15 տարեկան տղան փորձել է սելֆի անել Սնեժետ գետի վրայով անցնող երկաթուղային կամրջի վրա, սակայն չի կարողացել պահել հավասարակշռությունը և սայթաքել է։ Ընկնելու պահին նրան վնասել է էլեկտրական աղեղը, որից հետո տղան ընկել է մետաղյա հիմքի վրա»,- նշված է հաղորդագրության մեջ:

Բրյանսկի հրշեջ-փրկարարական կենտրոնի որոնողափրկարարական ծառայության փրկարարները տուժածին հասցրել են շտապօգնության մեքենայի մոտ: Պատանին հիվանդանոց է տեղափոխվել կոտրվածքներով և ստորին վերջույթների այրվածքներով:

Վերջին տարիներին անհաջող սելֆիի պատճառով հաճախ են դժբախտ պատահարներ գրանցվում: Մայիսին Կեմերովի շրջանում 16 տարեկան պատանի էր մահացել, որը սելֆիի համար բարձրացել էր բարձրավոլտ էլեկտրահաղորդիչի վրա ու ընկել: Մոսկվայում գինովցած տղամարդու սելֆի անելու փորձը նույնպես ձախողվել էր, նա ընկել էր բնակելի շենքի 20-րդ հարկից և մահացել: Սելֆիի պատճառով Պետերբուրգի Նևսկի պողոտայում գտնվող սբ. Եկատիրինի կաթոլիկ եկեղեցու տանիքից ընկած տղամարդը հոսպիտալացվել էր ծանր վիճակում:

ԱԻՆ-ը հիշեցնում է, որ էլեկտրական լարերի մոտ, զենքով, գնացքների, ավտոմեքենաների և տրանսպորտի այլ միջոցների հետ արված էքստրեմալ սելֆիները վտանգավոր են կյանքի համար և կարող են անցանկալի հետևանքների հանգեցնել:

 

Լրահոս
0