ԵՐԵՎԱՆ, 21 հունիսի — Sputnik. «Հարթակ» փառատոնը տեղի կունենա հունիսի 25-26-ին Երևանում: Միջոցառման նպատակն է ստեղծել փորձի և գիտելիքների փոխանակման այլընտրանքային հարթակ՝ ավելի քան 50 դասընթացների միջոցով միավորելով տարբեր ոլորտներում ներգրավված փորձառու մասնագետների:
2016 թ.-ի «Հարթակ» փառատոնի հիմնական թեման է շրջակա միջավայրը և բնապահպանական խնդիրները:
Դասընթացները լինելու են չորս թեմաների շուրջ՝ «Արվեստ և տեխնոլոգիաներ», «Հոգի և մարմին», «Արա ինքդ» և «Խոհարարություն»: Բանախոսներն են բնապահպանական կառավարման ոլորտի փորձագետներ, տեղացի ստեղծագործողներ, ինչպես նաև արտերկրից ժամանած անվանի արվեստագետներ:
«Հարթակ» փորձի փոխանակման փառատոնն առաջին անգամ իրականացվել է 2015թ-ին Երևանում:
Մամուլի ասուլիսին կմասնակցեն`
— «Հարթակ» փառատոնի համակազմակերպիչ Քրիստինա Հարությունովան,
— «Հարթակ» փառատոնի համակազմակերպիչ Մանուշակ Վահրամյանը,
— «Հարթակ» փառատոնի համակազմակերպիչ Կարինե Արոյանը,
— «Հարթակ» փառատոնի խոսնակ, հատուկ հրավերով ժամանած հայտնի սննդի լուսանկարիչ Ալեքսանդր Սլյադնևը:
Sputnik Արմենիա մամուլի կենտրոնի հասցեն` «Իմպերիում պլազա» բիզնես կենտրոն, Ամիրյան 4/7, 4-րդ հարկ:
Մամուլի կենտրոնի ծանուցումները ստանալու համար կարելի է բաժանորդագրվել` հայտ ուղարկելով h.sahakyan@sputniknews.com էլեկտրոնային հասցեով։
