Արտասահմանցիները վարպետության «թեժ» դասեր կանցկացնեն Հայաստանում

© Sputnik / Asatur YesayantsПресс-конференция, посвященная фестивалю по обмену опытом "Площадка"
Пресс-конференция, посвященная фестивалю по обмену опытом Площадка - Sputnik Արմենիա
Բաժանորդագրվեք
«Հարթակ» փառատոնը կկայանա հունիսի 25-26–ին Երևանի տարբեր անկյուններում։ Միջոցառման ընթացքում հայաստանցի և արտասահմանցի մասնագետները մի շարք վարպետության դասեր կանցկացնեն շրջակա միջավայրի պաշտպանության վերաբերյալ։

ԵՐԵՎԱՆ, 22 հունիսի — Sputnik. «Հարթակ» միջոցառումը Հայաստանում կանցկացվի երկրորդ անգամ և այլընտրանքային հարթակ կդառնա տարբեր ոլորտի մասնագետների համար, որոնք կկարողանան իրենց փորձն ու գիտելիքները փոխանակել վարպետության դասերի միջոցով, Sputnik Արմենիա միջազգային մամուլի կենտրոնում կազմակերպված ասուլիսի ժամանակ ասաց «Հարթակ» փառատոնի համակազմակերպիչ Մանուշակ Վահրամյանը։

Նրա խոսքով` վարպետության դասընթացները լինելու են չորս թեմայի շուրջ՝ «Արվեստ և տեխնոլոգիաներ», «Հոգի և մարմին», «Ձեռքի աշխատանք» և «Խոհարարություն»: Բանախոսներն են բնապահպանական կառավարման ոլորտի փորձագետները, տեղի ստեղծագործողները, ինչպես նաև արտերկրից ժամանած անվանի արվեստագետները:

«Փառատոնն առաջին անգամ անցկացվել է Հայաստանում 2015թ.-ի հոկտեմբերին։ Այդ ժամանակ կազմակերպվել է 60 դասընթաց, ինչը ոգեշնչել է կազմակերպիչներին, և որոշվել է միջոցառումն ամենամյա դարձնել»,- ասաց Վահրամյանը։

© Sputnik / Asatur YesayantsՄանուշակ Վահրամյանը
Манушак Ваграмян  - Sputnik Արմենիա
Մանուշակ Վահրամյանը

Նրա խոսքով` վարպետության դասեր կանցկացվեն Երևանի տարբեր անկյուններում։ Օրինակ` ձեռագործության թեմայով վարպետության դասընթացը, որի ընթացքում անպիտան իրերից կենցաղային առարկաներ կստեղծվեն, ուղղված է շրջակա միջավայրի մաքրության պահպանմանը։

Միջոցառման մեկ այլ համակազմակերպիչ Կարինե Արոյանն էլ նշեց, որ բնապահպանության թեմայի ընտրությունը պատահական չէ, քանի որ յուրաքանչյուր ոք կարող է այնպես անել, որ շրջակա միջավայրը հնարավորին չափ քիչ վնաս կրի։

«Անցած տարի մենք բնապահպանական թեմայով ֆիլմեր ցուցադրեցինք, իսկ այս տարի որոշել ենք մեր քննարկումներին վերաբերվել գիտության տեսանկյունից։ Ուստի մենք հունիսի 24-ին բնապահպանների հետ ճեպազրույց կանցկացնենք ԶԼՄ-ների համար»,- նշեց Արոյանը։

Աշխարհահռչակ ֆուդ-լուսանկարիչ Ալեքսանդր Սլյադնևը նշեց, որ իր խնդիրն է բացահայտել տաղանդավոր ֆուդ-լուսանկարիչների, որոնք կարող են մրցակցել այլ երկրների հետ։

© Sputnik / Asatur YesayantsԱլեքսանդր Սլյադնև
Александр Сляднев  - Sputnik Արմենիա
Ալեքսանդր Սլյադնև

«Ես Ուկրաինայից եմ, որտեղ արդեն երկու տարի է` նման միջոցառումներ են անցկացվում։ Դա ազդել է մշակույթի, առաջին հերթին` երիտասարդության վրա։ Նոր մասնագիտություններ են առաջացել։ Եթե խոսենք ֆուդ-փառատոների մասին, ապա պետք է նշել, որ ի հայտ են եկել մի շարք գաստրոէնտուզիաստներ, որոնք ոգեշնչում են մյուսներին»,- ասաց Սլյադնևը։

Լուսանկարիչը վստահ է` նման փառատոները հսկայական աջակցություն կբերեն բոլոր երկրների բնակիչներին ու կնպաստեն երկրի զարգացմանը։

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала