ԵՐԵՎԱՆ, 22 հունիսի — Sputnik. ՌԴ նախագահի հիմնական ուղերձներից մեկն այն գաղափարն էր, որ Ռուսաստանը պետք է սեփական շահերն առաջ տանի, կարծում է Գասպարյանը։
«Հաճախ մենք կենտրոնանում ենք պատմության կեղծման դիմակայման ուղղությամբ, այդ թվում` հետխորհրդային տարածքում։ Դրան հետևել գրեթե անհնար է. հենց մենք որևէ մեղադրանքի ենք պատասխանում, մեզ իսկույն երկու այլ մեղադրանք են վերագրում։ Պետք է չմոռանալ, որ մեր գլխավոր նպատակը ոչ թե միֆերը ժխտելն է, այլ մեր պատմական իրողությունն առաջ տանելը»,- նշել է նախագահը։
Sputnik-ի թղթակցի խոսքով` Վլադիմիր Պուտինը հատուկ ուշադրություն է դարձրել մշակութային-մարդասիրական միջավայրին, լրատվական բաղկացուցչին, այդ թվում` այն նախագծերին, որոնք նվիրված են ռուսաստանցիների հուղարկավորմանն արտերկրում։
Նախագահը նշել է այն լրատվամիջոցների կարևորությունը, որտեղ ցանկացած անձ կկարողանա տեղեկություն թողնել Հայրենական մեծ պատերազմի տարիներին զոհված ռուսական զինվորների հուղարկավորության մասին, տեղեկանալ, թե ինչ վիճակում են գտնվում գերեզմանները։
Հիմնական ուղերձը հետևյալն է` ոչ մի երկիր չպետք է ապրի անցյալով և գոհանա նախնիների հերոսություններով։ Պետք է առաջ շարժվել, վստահ զգալ, միաժամանակ չմոռանալ անցյալի մասին։
«Ոչ մի երկիր, ոչ մի ժողովուրդ չպետք է ապրի անցյալով և անվերջ վայելի անցյալի հերոսությունները։ Դա վնասակար է և վտանգավոր ազգի ապագայի համար։ Սակայն առաջ պետք է շարժվել` ամուր կանգնած մնալով պատվանդանին, ինչն արել են նախորդ սերունդները», — նշել է Վլադիմիր Պուտինը։
Ռուսական ռազմապատմական միության ներկայացուցիչներն իրենց հերթին խնդրել են նախագահին ուշադրության կենտրոնում պահել գրականությունը։ Նրանք վստահեցրել են, որ հետխորհրդային տարածքում պետք է լավ գրականություն լինի։
