ԵՐԵՎԱՆ, 26 հունիսի — Sputnik. Հունիսի 27-ին Բուլղարիայի արտգործնախարար Դանիել Միտովի հայաստանյան այցը հետաձգվում է` կապված ԵՄ անդամ պետությունների ԱԳ նախարարների հրատապ խորհրդակցությունների հետ: Այս մասին հայտնում է ՀՀ ԱԳՆ մամուլի ծառայությունը:
Բուլղարիայի արտաքին գործերի նախարար Դանիել Միտովը Հայաստան պետք է այցելեր հունիսի 27-28-ին։ Նրան Հայաստան էր հրավիրել ՀՀ արտգործնախարար Էդվարդ Նալբանդյանը։
Նախատեսված էր, որ նա հանդիպումներ կունենա ՀՀ նախագահ Սերժ Սարգսյանի, ԱԺ նախագահ Գալուստ Սահակյանի հետ:
Հունիսի 27-ին պետք է տեղի ունենային Հայաստանի և Բուլղարիայի արտաքին գործերի նախարարների բանակցությունները, որից հետո Էդվարդ Նալբանդյանն ու Դանիել Միտովը հանդես պիտի գային համատեղ մամուլի ասուլիսով։
