ԵՐԵՎԱՆ, 26 հունիսի — Sputnik. Մրցումային երկրորդ օրը մրցագորգ դուրս եկան 61 կգ, 70 կգ, 86 կգ և 125 կգ քաշային կարգ ունեցող ըմբիշները:
Ինչպես հայտնում է ՀԱՕԿ-ի լրատվության բաժինը, ոսկե մեդալներ նվաճեցին Ահմեդ Չակաևը (61 կգ, Ռուսաստան), Մագոմեդխաբիբ Կադիմագոմեդովը (70 կգ, Ռուսաստան), Ալիրեզա Քարիմին (86 կգ, Իրան) և Փավրիզ Մասմանջը (125 կգ, Իրան):
Հայաստանի հավաքականի անդամներ Գրիգոր Գրիգորյանը (70 կգ) և Շամիր Աթյանը (86 կգ) պարտվեցին եզրափակչում ու դարձան մրցաշարի արծաթե մեդալակիրներ: Օլիմպիական խաղերի ուղեգիր նվաճած 125 կգ քաշային Լևան Բերիանիձեն դարձավ բրոնզե մեդալակիր:
Ստեփան Սարգսյանի անվան 21-րդ մրցաշարում հայ ըմբիշները նվաճեցին 2 ոսկե, 2 արծաթե և 3 բրոնզե մեդալներ:
