Կալանավորված գեներալ-մայոր Չիլինգարյանն ազատ է արձակվել

© Sputnik / Табылды Кадырбеков /  / Անցնել մեդիապահոցТюрьма
Тюрьма - Sputnik Արմենիա
Բաժանորդագրվեք
НовостиTelegram
Մելսիկ Չիլինգարյանն այն բարձրաստիճան զինվորականներից է, որոնց նկատմամբ հունիսի սկզբին մեղադրանքներ էին առաջադրվել պաշտոնեական դիրքը չարաշահելու համար, ինչն առաջացրել է ծանր հետևանքներ

ԵՐԵՎԱՆ, 29 հունիսի — Sputnik. ՀՀ ԶՈւ սպառազինության վարչության նախկին պետ, գեներալ-մայոր Մելսիկ Չիլինգարյանի խափանման միջոց կալանքը նախօրեին փոխվել է, և նա ազատ է արձակվել:

Չիլինգարյանը մեղադրվում էր պաշտոնեական դիրքերը չարաշահելու մեջ։

Следственный комитет Армении - Sputnik Արմենիա
ՀՀ ԶՈՒ երեք բարձրաստիճան սպաների մեղադրանք է առաջադրվել

Ինչպես հայտնել են Քննչական կոմիտեից` խափանման միջոցը փոխվել է գործը վերահսկող դատախազի որոշմամբ։ 

Չիլինգարյանը կալանավորվել էր հունիսի 3-ին, իսկ մեկ օր անց տեղափոխվել Երևանի կայազորային հոսպիտալ: Նրան մեղադրանք էր առաջադրվել ՀՀ քրեական օրենսգրքի 375-րդ հոդվածի 2-րդ մասով՝ իշխանությունը չարաշահելու, իշխանազանցության կամ անգործության մեջ, որն առաջացրել է ծանր հետևանքներ:

Հայկական լրատվամիջոցները նշում են, որ Չիլինգարյանն առողջական խնդիրներ ունի ու պետք է վիրահատության ենթարկվի:

Նշենք, որ ՀՀ նախագահի որոշմամբ մայիսի վերջին մի շարք բարձրաստիճան սպաներ էին ազատվել աշխատանքից։ Այնուհետև հունիսի 2-ին գեներալ-մայոր Մելսիկ Չիլինգարյանին, գնդապետներ Արմեն Մարգարյանին և Մհեր Պապյանին մեղադրանքներ էին առաջադրվել պաշտոնեական դիրքը չարաշահելու համար, ինչն առաջացրել է ծանր հետևանքներ։ 

Լրահոս
0