Հայաստանը կարող է օգտագործել ռուսական ժամանակակից միջոցները

© Sputnik / Арам НерсесянМинистр обороны Республики Армения Сейран Оганян
Министр обороны Республики Армения Сейран Оганян - Sputnik Արմենիա
Բաժանորդագրվեք
НовостиTelegram
ՀՀ պաշտպանության նախարարը նշել է, որ երկրի տարածքում հակաօդային պաշտպանության միջոցների կիրառումն իրականացնելու է Հայաստանի ռազմական ղեկավարությունը

ԵՐԵՎԱՆ, 29 հունիսի — Sputnik. Ռուսաստանի հետ ՀՕՊ միավորված համակարգի մասին համաձայնագիրը թույլ կտա Հայաստանին օգտագործել ռուսական կործանիչները, C-300 համակարգերը և ՌԴ օդատիեզերական ուժերի հետախուզական տվյալները, Հայաստանի հանրային հեռուստատեսության եթերում ասել է Հայաստանի պաշտպանության նախարար Սեյրան Օհանյանը։

Հայաստանի և Ռուսաստանի պաշտպանության նախարարներ Սեյրան Օհանյանը և Սերգեյ Շոյգուն 2015թ.-ի դեկտեմբերին ստորագրել են հավաքական անվտանգության կովկասյան տարածաշրջանում հակաօդային պաշտպանության (ՀՕՊ) միավորված տարածաշրջանային համակարգ ստեղծելու մասին համաձայնագիրը։ Օրինագիծը պետք է վավերացնի Հայաստանի ԱԺ-ն։

«Մենք Հայաստանի ՀՕՊ համակարգերի հնարավորությունների հետ մեկտեղ կարող ենք օգտագործել նաև Ռուսաստանի ռեսուրսները` անվտանգության տարածաշրջանային հարցերը լուծելու համար։ Կարողանալու ենք օգտագործել 4-րդ սերնդի ժամանակակից կործանիչները, C-300 համակարգերը, ինչպես նաև` հակահրթիռային պաշտպանության հնարավորությունները»,- ասել է Օհանյանը։

Նրա խոսքով` Հայաստանը կործանիչների հետ միասին կարող է օգտագործել Ռուսաստանի օդատիեզերական հետախուզական տվյալները։

Օհանյանն ընդգծել է` և՛ խաղաղ, և՛ մարտական գործողությունների ժամանակ ՀՕՊ համակարգի միջոցների և հայկական ուժերի կիրառումն իրականացնելու է Հայաստանի ՀՕՊ զորքերի և ավիացիայի հրամանատարությունը։

Լրահոս
0