Ցուցարարները բողոքում էին անհավասար պայմաններից։
«Եթե մենք կատարում ենք կառավարության ներկայացված պարտավորությունները, ինչո՞ւ դրանք չեն վերաբերում նաև առցանց-տաքսիներին։ Մեզնից պահանջում են, որ մեր ավտոմեքենաները աջակողմյան ղեկ չունենան և չլինեն երկդռնանի, սակայն, այս և մի շարք այլ պարտավորություններ չեն տարածվում առցանց-ծառայությունների վրա», — Sputnik Արմենիայի թղթակցի հետ զրույցում ասաց Հայաստանի տաքսի-ծառայություններից մեկի սեփականատեր Արտակ Խաչատրյանը։
Կառավարությունը որոշել է ոլորտը կարգավորելու համար համակարգման ծրագիր մշակել։ Ենթադրվում է, որ ծրագրի քննարկմանը կմասնակցեն նաև տաքսիստները։
