ԵՐԵՎԱՆ, 2 հուլիսի — Sputnik. Հայաստանի հավաքականի կիսապաշտպան Հենրիխ Մխիթարյանը հեռանում է Դորտմունդի «Բորուսիայից», 27-ամյա ֆուտբոլիստը կարիերան կշարունակի անգլիական «Մանչեսթեր Յունայթեդում», հայտնում է armsport-ը։
«Հիմնվելով նոր իրավիճակի վրա՝ այս տրանսֆերը չափազանց բարդ էր մեզ համար: «Մանչեսթեր Յունայթեդը» չափազանց գրավիչ առաջարկ է արել: Եթե մերժեինք այն, ապա մեկ տարի անց նա մեզանից կհեռանար ազատ գործակալի կարգավիճակով»,- «Բորուսիայի» գործադիր տնօրեն Հանս Իոահիմ Վատցկեի խոսքը մեջբերում է ակումբի պաշտոնական կայքը:
Ավելի վաղ հաղորդվում էր, որ «Բորուսիան» 42.5 մլն եվրո կստանա Մխիթարյանի տրանսֆերի համար:
Պաշտոնական. Մխիթարյանը տեղափոխվում է «Մանչեսթեր Յունայթեդ»
© Sputnik / Григорий Сысоев
/ Բաժանորդագրվեք
«Բորուսիայի» գործադիր տնօրեն Հանս Իոահիմ Վատցկեն նշել է, որ «Մանչեսթեր Յունայթեդը» չափազանց գրավիչ առաջարկ է արել, որը պետք չէ մերժել
