Զախարովա. «Ռուսաստանն ամեն ինչ անում է Ղարաբաղյան հակամարտությունը լուծելու համար»

© RIA Novostiдиректор департамента информации и печати МИД России Мария Захарова
директор департамента информации и печати МИД России Мария Захарова - Sputnik Արմենիա
Բաժանորդագրվեք
НовостиTelegram
Ռուսաստանի Դաշնության արտաքին գործերի նախարարի խոսնակ Մարիա Զախարովան հանդիպում է ունեցել հայ լրագրողների հետ և զրույցի ընթացքում անդրադարձել Ղարաբաղի հակամարտությանը

ԵՐԵՎԱՆ, 4 հունիսի – Sputnik. Հանդիպման ժամանակ Մարիա Զախարովան նշել է, որ Ռուսաստանի Դաշնությունը Լեռնային Ղարաբաղի հարցի լուծումը չի մոնոպոլիզացնում։

«Պետերբուրգի հանդիպումից առաջ բոլորը հայտնում էին իրենց մտավախությունը, որ Ռուսաստանը, ըստ էության, մոնոպոլացնում է կարգավորման գործընթացը, չի ուզում դրան մասնակից դարձնել Մինսկի խմբին, բայց ինչպես ցույց տվեց հանդիպումը, բոլոր համանախագահները տեղեկացվել էին հանդիպման մասին, չէին զգում իրենց լուսանցքից դուրս: Մենք լավ հասկանում ենք՝ Մինսկի խմբի աշխատելաոճը ու հարգանքով ենք մոտենում: Իսկ Պետերբուրգի հանդիպումն ամենևին նորարարություն չէր, այն կողմերի միջև երկխոսության ձևերից մեկն էր»,- լրագրողների հետ զրույցում ասել է Զախարովան։

Նրա խոսքով` ՌԴ-ն անում է ամեն ինչ, որպեսզի Լեռնային Ղարաբաղի հակամարտությունը լուծվի կամ Հայաստանի ու Ադրբեջանի դիրքորոշումները մոտեցվեն՝ հակամարտության խաղաղ կարգավորման համար:

Эдвард Налбандян - Sputnik Արմենիա
Ի՞նչ է պետք Ղարաբաղի շուրջ բանակցությունները շարունակելու համար

«Տեղեկությունը, թե երբ և որտեղ պետք է անցնի հանդիպումը, եթե այն ծրագրված է, պետք է ներկայացնեն հակամարտող կողմերը: Ես կարող եմ ասել, որ ռուսական կողմն այս հարցում ունի մեկ նպատակ՝ հակամարտության արագ կարգավորում, որը ոչ միայն ձգձգվում է, այլև՝ հանգուցալուծում է պահանջում: Մենք անում ենք ամեն ինչ: Ակտիվ ջանքեր են գործադրում ՌԴ նախագահը, ՌԴ ԱԳ նախարարը և առհասարակ՝ արտաքին քաղաքական ենթակառուցվածքը, երկկողմանի, բազմակողմանի խողովակներով, Մինսկի խմբի շրջանակներում և այլն: Որովհետև մենք հասկանում ենք, որ հակամարտության կարգավորման երկարաձգման ամեն մի օր սպառնալիք է խաղաղ բնակիչներին»,- ասել է ՌԴ արտգործնախարարի խոսնակը:

Ղարաբաղյան հակամարտությունը սրվեց ապրիլի 2-5–ն ընկած ժամանակահատվածում։ Երևանը հայտարարեց, որ Ադրբեջանը նախահարձակ գործողություններ է սկսել, Բաքուն էլ իր հերթին հայտարարեց, որ հայկական կողմն է կրակում Ադրբեջանի ուղղությամբ։ Պաշտոնական տվյալների համաձայն` հակամարտության երկու կողմն էլ զոհեր ունեցան, այդ թվում` խաղաղ բնակիչների շրջանում։

Ապրիլի 5-ին Մոսկվայի աջակցությամբ կողմերը պայմանավորվեցին դադարեցնել ռազմական գործողությունները, սակայն շփման գծում խախտումները շարունակվում են մինչ օրս։ Մայիսի 16-ին Վիեննայում կայացավ Հայաստանի և Ադրբեջանի նախագահներ Սերժ Սարգսյանի և Իլհամ Ալիևի` հակամարտության թեժացումից հետո առաջին հանդիպումը, որին մասնակցեցին նաև ԵԱՀԿ Մինսկի խմբի համանախագահները։

Սարգսյան-Ալիև հանդիպմանը համանախագահող երկրների ներկայացուցիչները պնդեցին 1994թ.–ի զինադադարի և 1995թ.–ի զինադադարի ամրապնդման մասին համաձայնագրերի անշեղ իրագործման անհրաժեշտությունը: Համաձայնություն ձեռք բերվեց քայլեր ձեռնարկել դրանց իրականացման մշտադիտարկման և միջադեպերի հետաքննության մեխանիզմի ներդրման, ԵԱՀԿ գործող նախագահի անձնական ներկայացուցչի թիմի կարողությունների ավելացման, հակամարտության կարգավորման բանակցային գործընթացի հնարավոր վերսկսման ուղղությամբ։

Լրահոս
0