ԵՐԵՎԱՆ, 6 հուլիսի — Sputnik. Հուլիսի 6-ին` ժամը 10.30-ի դրությամբ Լարսի ավտոճանապարհը պատրաստ է շահագործման, սակայն ելնելով եղանակային վատ պայմաններից` դեռևս չի բացվի, հայտնում է ՀՀ ԱԻՆ-ը` հղում անելով Վրաստանի ՆԳՆ ԱԻ դեպարտամենտին։
Ավելի վաղ հաղորդվում էր, որ ավտոճանապարհը փորձնական բաց կլինի հուլիսի 6-ին՝ որոշ ժամանակով:
Նշենք, որ Վերին Լարսի անցակետը փակ է արդեն մոտ երկու շաբաթ, քանի որ այդ վայրում տեղի է ունեցել քարաթափում, ինչպես նաև Թերեք գետի մակարդակի բարձրացման հետևանքով առկա է ջրածածկման վտանգ:
Փակ անցակետում կուտակված մեքենաները հնարավորության դեպքում կարող են ճանապարհը շարունակել լաստանավերով` Փոթիի և Բաթումիի նավահանգիստներից:
ՀՀ արտակարգ իրավիճակների նախարարությունը տեղեկացնում է, որ հուլիսի 6-ի ժամը 11.00-ի դրությամբ ՀՀ տարածքում ավտոճանապարհներն անցանելի են:
