ԵՐԵՎԱՆ, 7 հուլիսի — Sputnik. Վարշավայում կայանալիք ՆԱՏՕ-ի գագաթնաժողովը ևս մեկ հնարավորություն է շարունակելու բանակցությունները Լեռնային Ղարաբաղի հակամարտության կարգավորման հարցի շուրջ, հինգշաբթի հայտարարել է ԵԱՀԿ Մինսկի խմբի, ամերիկացի համանախագահ Ջեյմս Ուորլիքը:
Just arrived in #Warsaw for the @NATO summit. It's an opportunity to continue discussions on #NKpeace with #Armenia and #Azerbaijan.
— James Warlick (@AmbJamesWarlick) 7 июля 2016 г.
«Հենց նոր եմ ժամանել Վարշավա` մասնակցելու ՆԱՏՕ-ի գագաթնաժողովին: Սա հնարավորություն է շարունակելու Լեռնային Ղարաբաղի հակամարտության խաղաղ կարգավորման հարցի շուրջ քննարկումները Հայաստանի և Ադրբեջանի հետ», — Twitter-ում գրառել է Ամերիկացի համանախագահը:
Նշենք, որ ՆԱՏՕ-ի երկօրյա գագաթնաժողովը կանցկացվելի Վարշավայում հուլիսի 8-9-ը:
Ղարաբաղյան հակամարտությունը սրվեց ապրիլի 2-5–ն ընկած ժամանակահատվածում։ Երևանը հայտարարեց, որ Ադրբեջանը նախահարձակ գործողություններ է սկսել, Բաքուն էլ իր հերթին հայտարարեց, որ հայկական կողմն է կրակում Ադրբեջանի ուղղությամբ։ Պաշտոնական տվյալների համաձայն` հակամարտության երկու կողմն էլ զոհեր ունեցան, այդ թվում` խաղաղ բնակիչների շրջանում։
Ապրիլի 5-ին Մոսկվայի աջակցությամբ կողմերը պայմանավորվեցին դադարեցնել ռազմական գործողությունները, սակայն շփման գծում խախտումները շարունակվում են մինչ օրս։ Մայիսի 16-ին Վիեննայում կայացավ Հայաստանի և Ադրբեջանի նախագահներ Սերժ Սարգսյանի և Իլհամ Ալիևի` հակամարտության թեժացումից հետո առաջին հանդիպումը, որին մասնակցեցին նաև ԵԱՀԿ Մինսկի խմբի համանախագահները։
Սարգսյան-Ալիև հանդիպմանը համանախագահող երկրների ներկայացուցիչները պնդեցին 1994թ.–ի զինադադարի և 1995թ.–ի զինադադարի ամրապնդման մասին համաձայնագրերի անշեղ իրագործման անհրաժեշտությունը: Համաձայնություն ձեռք բերվեց քայլեր ձեռնարկել դրանց իրականացման մշտադիտարկման և միջադեպերի հետաքննության մեխանիզմի ներդրման, ԵԱՀԿ գործող նախագահի անձնական ներկայացուցչի թիմի կարողությունների ավելացման, հակամարտության կարգավորման բանակցային գործընթացի հնարավոր վերսկսման ուղղությամբ։
