ԵՐԵՎԱՆ, 10 հուլիսի — Sputnik. Sputnik Արմենիայի անցկացրած հարցման արդյունքները ցույց են տվել, որ Ֆրանսիայի հավաքականը Եվրոպայի ֆուտբոլի առաջնության եզրափակիչ փուլի ֆավորիտն է: Պատասխանելով «Ձեր կարծիքով ո՞վ կդառնա Եվրո 2016-ի հաղթող» հարցին՝ հարցվածների 48,1 տոկոսը քվեարկել է Ֆրանսիայի օգտին:
Պորտուգալացիների հաղթանակին հավատում է հարցման մասնակիցների միայն 15,4 տոկոսը: Միաժամանակ Գերմանիայի թիմի օգտին քվեարկել է 36,5 տոկոսը, այնինչ հավաքականն արդեն դուրս է մնացել չեմպիոնական պայքարից:
Հարցախույզն անցկացվել է հունիսի 5-9-ը, մասնակցել է ավելի քան 100 մարդ:
Ֆրանսիային ֆավորիտ են համարում նաև փորձագետները, սակայն նրանք համոզված են, որ Պորտուգալիայի թիմն ավելի լավ մարզավիճակում է:
Պորտուգալիա-Ֆրանսիա եզրափակիչ հանդիպումը տեղի կունենա հուլիսի 10-ին:
