ԵՐԵՎԱՆ, 11 հուլիսի — Sputnik. Հայաստանի ԱԳՆ ղեկավար Էդվարդ Նալբանդյանը մեկնել է Կիև, հայտնում է արտգործնախարարության մամուլի ծառայությունը։
Հուլիսի 11-12-ը Նալբանդյանը կմասնակցի ԵՄ «Արևելյան համագործակցության» ծրագրի մասնակից երկրների ԱԳՆ ղեկավարների ոչ պաշտոնական հանդիպմանը։
Հայաստանը մասնակցում է ԵՄ «Արևելյան համագործակցություն» ծրագրին, որը նախաձեռնել էին Լեհաստանն ու Շվեդիան, և որը հաստատվել էր 2008 թվականին Բրյուսելում տեղի ունեցած ԵՄ գագաթնաժողովի ժամանակ։ Ծրագրի նպատակն էր ԵՄ-ի մերձեցումը Ադրբեջանի, Ուկրաինայի, Հայաստանի, Մոլդովայի, Վրաստանի և Բելառուսի հետ։
Ծրագրով նախատեսված է քաղաքական փոխգործակցության մակարդակի զգալի բարձրացում, նախկին խորհրդային հանրապետությունների լայն ինտեգրում ԵՄ տնտեսության մեջ։