Բասկետբոլի հավաքականի մարզիչ. ամեն ինչ անելու ենք եզրափակիչ դուրս գալու համար

© Pixabay / PDPics / Баскетбольный мяч
Баскетбольный мяч - Sputnik Արմենիա
Բաժանորդագրվեք
НовостиTelegram
Բասկետբոլի Հայաստանի կանանց մինչև 18 տարեկանների ազգային թիմը Եվրոպայի առաջնության C դիվիզիոնի կիսաեզրափակչում մրցելու է Մալթայի թիմի հետ:

Հավաքականի գլխավոր մարզիչ Վահագն Հարությունյանը ՀԱՕԿ լրատվականին տված հարցազրույցում խոսեց խմբային փուլի, հավաքականի համախմբվածության և կիսաեզրափակչի մասին:

-Պարոն Հարությունյան, ինչպիսի՞նն էր թիմի համախմբվածությունը մեկնարկային խաղերում` հաշվի առնելով այն, որ թիմում 4 նորեկ կա:

— Ամեն խաղի հետ բասկետբոլիստներն ավելի լավ են իրար հասկանում: Մենք խոսում ենք մեկ լեզվով՝ բասկետբոլի լեզվով: Մեր երեք խաղացողներ Ռուսաստանից են, ու նրանց խաղաոճն ինչ-որ տեղ մեր խաղաոճին նման է:

-Անդրադառնալով նախորդ երկու խաղերին (Անդորրա, Ուելս), որտեղ հաղթեցիք մեծ առավելությամբ, ինչպիսի՞ մրցակից էին նրանք Հայաստանի համար:

Женская сборная Армении по баскетболу - Sputnik Արմենիա
Բասկետբոլի Հայաստանի կանանց հավաքականը երկրորդ հաղթանակը տարավ

— Անդորրան ցածրահասակ թիմ էր, թեպետ նաև արագ էր: Մենք մեր հասակի և տեխնիկայի հաշվին գերազանցում էինք նրանց, և մեծ դժվարություն չէր նրանց հաղթելը: Ուելսի հետ խաղի առաջին խաղակեսին մի քիչ «մատների արանքով» նայեցինք, սակայն երկրորդ կեսում այլ մակարդակի բասկետբոլ ցույց տվեցինք: Եթե պարզ խոսենք, ապա մենք գիտեինք, որ այդ երկու խաղերում առավելություն ենք ունենալու:

-Կիսաեզրափակչում մրցելու եք Մալթայի հետ: Արդյո՞ք նրանց դեմ խաղացել եք, ինչպիսի՞ մրցակից են Հայաստանի համար:

— Այո, նախորդ տարի մենք խաղացել ենք Մալթայի հետ և կրկին կիսաեզրափակչում: Այդ խաղը մեզ համար բավականին բարդ ստացվեց, բայց հաղթեցինք 8 միավորի առավելությամբ: Մալթայի խաղաոճին ծանոթ ենք դեռևս նախորդ առաջնությունից: Ամեն ինչ անելու ենք, որ եզրափակիչ դուրս գանք:

-Կիսաեզրափակչի մյուս զույգը Անդորրան և Վրաստանն են: Ո՞վ է այդ զույգի ֆավորիտը` ըստ Ձեզ:

— Որևէ գուշակություն չեմ անի, բայց ակնհայտ կերպով տարբեր տեսակի և ոճի բասկետբոլ են խաղում: Անդորրան բավականին արագ է և հրաշալի է գործում պաշտպանությունում: Վրաստանը չունի այն հնարավորությունները, ինչ ունի Հայաստանը: Նրանց համար շատ դժվար է լինելու:

Լրահոս
0