ԵՐԵՎԱՆ, 14 հուլիսի-Sputnik. Հուլիսի 14-18-ը Հայաստանում օդի ջերմաստիճանն աստիճանաբար կբարձրանա 3-4 աստիճանով, հաղորդում է Հայպետհիդրոմետկենտրոնը։
Երևանում և մարզերում սպասվում է առանց տեղումների եղանակ։
Ամառը սկսվելուն պես չուրախացրեց պայծառ ու տաք եղանակով։ Ամբողջ հանրապետությունով մեկ տեղաց հորդ անձրև, կարկուտ։ Շատ բնակավայրերում ավերածություններ եղան բնական տարերքի պատճառով, և ահա եղանակը որոշել է փոխհատուցել պատճառած վնասը բարձր ջերմաստիճանով։
Արարատյան դաշտում և Վայոց Ձորում օդի ջերմաստիճանը կբարձրանա մինչև 36-38 աստիճան, իսկ հյուսիսային շրջաններում` 23-28 աստիճան։
