ԵՐԵՎԱՆ, 16 հուլիսի-Sputnik. Թուրքիայի նախագահ Թայիփ Էրդողանը հաղորդել է, որ Անկարայում կառավարական շենքերի վրա հարձակում գործած ուղղաթիռը խոցվել է, հաղորդում է ՌԻԱ Նովոստին՝ հղում անելով Anadolu-ին:
Anadolu գործակալության տվյալներով՝ ռազմական ուղղաթիռն օգտագործել են հեղաշրջման փորձ ձեռնարկած անձինք: Այն խոցել են կառավարական ուժերը Գելբաշի շրջանում: ՈՒղղաթիռն օգտագործել են Turksat արբանյակային օպերատորի շենքի վրա գրոհելու համար:
Հաղորդվում է նաև հեղաշրջման կողմնակիցների մոտ մի քանի ռազմական ուղղաթիռների առկայության մասին, որոնք կառավարական ուժերը պատրաստ են ոչնչացնել:
Թուրքիայի իշխանությունները ձերբակալել են 754 մարդու, որոնց կասկածում են ռազմական հեղաշրջման փորձին հնարավոր մասնակցության մեջ: Հինգ գեներալ և 29 գնդապետ հեռացվել են պաշտոնից երկրում հեղաշրջման փորձ անելու համար։
Հուլիսի 15-ի ուշ երեկոյան Թուրքիայում կատարվել է ռազմական հեղաշրջման փորձ: Անկարայում խորհրդարանի շենքի և նախագահական նստավայրի վրա նետել են ռումբեր, դատախազության տվյալներով՝ Անկարայում և Ստամբուլում մահացել է առնվազն 60 մարդ:
