Ոստիկանները վիրավորել են զինված խմբի երկու անդամի և կրակ բացել սնունդ հասցնող մեքենայի վրա

© PoliceРаненый член группировки "Сасна Црер" Ашот Петросян
Раненый член группировки Сасна Црер Ашот Петросян - Sputnik Արմենիա
Բաժանորդագրվեք
Yandex newsTelegram
Գիշերը ժամը 2-ի սահմանում ՊՊԾ տարածքին հարակից ոստիկանական պատնեշից կրակ են բացել, որի արդյունքում ոտքերից վիրավորվել են «Սասնա ծռեր» խմբի անդամներ Աշոտ Պետրոսյանը և Հովհաննես Հարությունյանը:

ԵՐԵՎԱՆ, 26 հուլիսի-Sputnik. «Հիմնադիր խորհրդարանի» մամուլի ծառայությունը հաղորդագրություն է տարածել, որում, մասնավորապես, ասվում է.

«Այսօր` 26-ի գիշերը և առավոտյան Սասնա ծռեր խմբի ազատագրած տարածքում տեղի է ունեցել 2 պատահար:

Գիշերը ժամը 2-ի սահմաններում տարածքին հարակից ոստիկանական պատնեշից դավադրաբար կրակ են բացել, որի արդյունքում ոտքերից վիրավորվել են Սասնա ծռեր խմբի անդամներ Աշոտ Պետրոսյանը և Հովհաննես Հարությունյանը: Նրանք տեղափոխվել են հիվանդանոց:

Член Учредительного парламента Алек Енигомшян - Sputnik Արմենիա
Ցուցարարները պահանջում են զինված խմբին ապահովել սննդով և բուժօգնությամբ

Առավոտյան ժամը 7-ի սահմաններում արիասիրտ մի հայորդի` Արթուր Սարգսյանը, իր անձնական օգտագործման մեքենան ամբողջությամբ բեռնել է սննդով և ճեղքելով ոստիկանական արգելապատնեշը, հասել է ազատագրված տարածքի մուտքի մոտ, ոստիկանները բոլոր կողմերից կրակ են բացել Արթուրի մեքենայի վրա։

Բարեբախտաբար Արթուրը ոչ մի վնասվածք չի ստացել և բարեհաջող կերպով սնունդը տեղ է հասցրել»:

 

 

Լրահոս
0