ԵՐԵՎԱՆ, 27 հուլիսի-Sputnik. ԱՄՆ դեսպանատունը կոչ է արել Երևանում ՊՊԾ գնդի շենքը գրաված զինված խմբի անդամներին՝ ազատ արձակել բժիշկներին, որոնց պատանդ են վերցրել հուլիսի 27-ին։
«Մենք անհանգստացած ենք բուժաշխատողներին պատանդ վերցնելու մասին մամուլի հաղորդագրություններով։ Նման գործողություններն անընդունելի են, և եթե այդ հաղորդագրությունները համապատասխանում են իրականությանը, կոչ ենք անում անհապաղ ազատ արձակել այդ մարդկանց», — ասվում է ամերիկյան դեսպանատան հայտարարությունում։
ԱՄՆ դեսպանատունը կոչ է արել բոլոր կողմերին առավելագույն զսպվածություն և պատրաստակամություն հանդես բերել ստեղծված վիճակի հանգուցալուծման համար և գործել օրենքի շրջանակում։
