ԵՐԵՎԱՆ, 29 հուլիսի-Sputnik. Ինչպես հաղորդում է Sputnik Արմենիայի թղթակիցը, Սարի թաղում բախում է տեղի ունեցել ոստիկանության և ցուցարարների միջև։
Տուժածներ կան նաև լրագրողների մեջ։ Օգտագործվել են ձայնային նռնակներ, քաղաքացիներից մեկի հագուստն այրվել է։
Ձայնային նռնակն ընկել է հարակից տներից մեկի վրա` գազի խողովակի մոտ։
Հրդեհ է բռնկվել այդ տան մոտ, հրշեջները ժամանել են դեպքի վայր, բայց չեն կարողացել հանգցնել կրակը։
Այժմ հարակից տների մարդիկ փորձում են իրենց ուժերով մարել կրակը։
Ժամանել է «Շտապօգնության» մեքենան, տուժածներին տեղափոխել են հիվանդանոց։
Ոստիկանության շարքում նույնպես կան վիրավորներ։ «Շտապօգնության» մեքենան լեփ-լեցուն է տուժածներով։
