ԵՐԵՎԱՆ, 3 օգոստոսի — Sputnik. Ստամբուլի դատարանը որոշել է ձերբակալել ոստիկանության սերժանտ Աբդուլլահ Դինչի։ Նրան մեղադրում են հեղաշրջման փորձի, ինչպես նաև «Ակոս» թերթի գլխավոր խմբագիր Հրանտ Դինքի սպանության հետ կապ ունենալու մեջ, հաղորդում է ՌԻԱ Նովոստին` հղում անելով Anadolu գործակալությանը։
Հինգ մարդ, այդ թվում` ոստիկանության չորս աշխատող, ավելի վաղ ձերբակալվել է Թուրքիայում Դինքի սպանության գործով, ձերբակալվածների ընդհանուր թիվը հասել է 26-ի։
Դատախազության մեղադրական եզրակացությունում ասվում է, որ Դինքի սպանությունը դարձել է Թուրքիայում հեղաշրջման փորձ կատարելու «առաջին փամփուշտը»։
