ԵՐԵՎԱՆ, 17 օգոստոսի — Sputnik. Ըմբշամարտիկ Արթուր Ալեքսանյանի կողմից օլիմպիական ոսկե մեդալ նվաճելուց հետո Հայաստանի հանրային հեռուստաընկերության սպորտային մեկնաբան Կարեն Գիլոյանը սափրել է գլուխը։
Գիլոյանը դեռևս 2008-ի Պեկինի օլիմպիական խաղերի ժամանակ խոստացել էր սափրել գլուխը, եթե Հայաստանն օլիմպիական չեմպիոն ունենա:
Սպորտային մեկնաբանը ոչ միայն պահեց խոստումը, այլև նրա գլուխը սափրեց հենց ինքը` օլիմպիական չեմպիոն Արթուր Ալեքսանյանը։
Այդ լուրը և լուսանկարը մեծ քննարկման առիթ դարձան սոցցանցում, օգտատերերը, մասնավորապես, գրել են. «Գիլոյան ջան, միշտ սափրագլուխ լինես», «Թող չեմպիոններ շատ լինեն, Գիլոյանն էլ միշտ ճաղատ լինի», «Օլիմպիական չեմպիոնի ձեռքով դա մեծ պատիվ է»։
Հիշեցնենք, որ քսան տարի ընդմիջումից հետո Հայաստանը Ռիո դե Ժանեյրոյում օլիմպիական ոսկե մեդալ ունեցավ. այն նվաճեց ըմբիշ Արթուր Ալեքսանյանը:
