Վերջ աշխատանքային գրքույկներին

© 1in.amԱշխատանքային գրքույկ
Աշխատանքային գրքույկ - Sputnik Արմենիա
Բաժանորդագրվեք
Yandex newsTelegram
Աշխատանքի և սոցիալական հարցերի նախարար Արտեմ Ասատրյանը կառավարության նիստի ընթացքում հայտնեց, որ 2017 թվականից աշխատանքային գրքույկներն այլևս չեն գործելու։

ԵՐԵՎԱՆ, 18 օգոստոսի — Sputnik. Արտեմ Ասատրյանը հայտնեց, որ աշխատանքային գրքույկների ամբողջ պարունակությունը տեղափոխվելու է տեղեկատվական շտեմարան։

«2017 թվականի հունվարի 1-ից կդադարի աշխատանքային գրքույկների վարումը։ 2 տարվա ընթացքում աշխատանքները կիրականացվեն, ինչի արդյունքում մենք կունենաք աշխատանքային ստաժի մասին ամբողջական տեղեկատվություն»,- ասաց Արտեմ Ասատրյանը։

Նա նշեց, որ այս գործընթացն էականորեն կբարելավի կենսաթոշակային համակարգի կառավարելիությունը, նաև կունենա հակակոռուպցիոն նշանակություն։

Վարչապետը ճշտում արեց` երբ աշխատողը լքում է աշխատավայրը, ո՞վ է պարտավորվում այդ տեղեկությունը հաղորդել համապատասխան մարմնին ու փոխանցել տեղեկատվական շտեմարան։

«Քաղաքացիներին իրենց անհատական հաշիվները մուտքագրելու հնարավորություն կտանք։ Ամենաճիշտը քաղաքացին գիտի` իր անձնական ստաժն ամբողջապես առկա է, թե ոչ։ Հետադարձ կապն անհրաժեշտ է»,- ասաց նախարարը։

Վարչապետն իր հարցի պատասխանը չստանալով` հորդորեց ուսումնասիրել ու համապատասխան մեխանիզմներ մշակել։

Լրահոս
0