ԵՐԵՎԱՆ, 20 օգոստոսի – Sputnik. Հայաստանի ռուսական ռազմակայանի «Էրեբունի» ավիաբազայի ուղղաթիռային Էսկադրիլիայի օդաչուները «Կամխուդ» և «Ալագյազ» բարձր լեռնային զորավարժարաններում ձեռնամուխ են եղել կրակային պատրաստության խնդիրների կատարմանը:
Հաղորդվում է, որ Մի-24Պ հարվածային ուղղաթիռների և Մի-8ՄՏ ռազմափոխադրող ուղղաթիռների երիտասարդ օդաչուների և մեխանիկների թռիչքները տեղի են ունենում բացառապես բարձր որակավորում ունեցող փորձառու հրահանգիչների ղեկավարությամբ։
Թռիչքային մարտավարական վարժանքների ընթացքում Մի-24Պ և Մի-8ՄՏ ուղղաթիռների անձնակազմները ցերեկային և գիշերային ժամերին կկատարեն ուսումնական հրաձգություններ և պայմանական ռմբանետում պայմանական հակառակորդի ցամաքային օբյեկտների ուղղությամբ: Ուսումնական պարապմունքների ընթացքում բանակային օդուժի օդաչուները կյուրացնեն մարտավարական մանյովրներ՝ լեռնային-ժայռոտ տեղանքում պարզ և բարդ ուղղաթիռավարման տարրերի կատարմամբ:
