ԵՐԵՎԱՆ, 9 սեպտեմբերի — Sputnik. Բելառուսի ՔԿ ղեկավար Իվան Նոսկևիչը Մինսկում հայտարարել է, որ Ռուսաստանը, Բելառուսն ու Հայաստանը քննչական կոմիտեների ղեկավարների համակարգման խորհուրդ կստեղծեն։
«Մենք հասել ենք հարաբերությունների այն փուլի, երբ պետք է միասնական համակարգող մարմին ստեղծենք։ Հավանաբար այն կկոչվի Քննչական կոմիտեների ղեկավարների համակարգման խորհուրդ», —Ռուսաստանի և Ուկրաինայի քննչական կոմիտեների ղեկավարների ներկայությամբ ասել է Նոսկևիչը։
Նա նշել է, որ ուրբաթ համատեղ որոշում է կայացվելու, «որի հիման վրա մենք սկսելու ենք Համակարգող խորհրդի ստեղծման աշխատանքները»։
Բելառուսի ՔԿ ղեկավարն ավելացրել է, որ Համակարգող խորհուրդը բաց է լինելու նաև ԱՊՀ այլ երկրների համար։
