Արթուր Միսաքյան, Լևոն Խաչատրյան
Ինչո՞վ է առաջնորդվում հասարակությունը՝ ընտրություն կատարելիս, որո՞նք են քարոզարշավի հիմնական սկզբունքները. հարցերի պատասխանը Sputnik Արմենիայի հետ զրույցում նշել են Ազգային Ժողովում ԲՀԿ խմբակցության պատգամավոր Լյովա Խաչատրյանը և «Հայկական վերածնունդ» կուսակցության խորհրդի անդամ Արթուր Միսակյանը։
«Հայկական վերածնունդ» կուսակցության կառավարման խորհրդի նախագահ Արթուր Միսակյանն ասաց, որ կաշառքը դարձել է ընտրապայքարի հիմնական բաղկացուցիչ մաս։ Նույնիսկ ավագանու ընտրությունն է այսօր դարձել փողով, այնինչ անհրաժեշտ է ընտրել համոզմունքով։
ԱԺ «Բարգավաճ Հայաստան» կուսակցության պատգամավոր Լյովա Խաչատրյանը նշեց, որ այսպես ասած՝ ոչ ցանկալի թեկնածուներին փորձում են ճնշել, պետական ապարատը գործի է դնում բոլոր միջոցները՝ խանգարելու թե' ընտրողին, թե' ընտրվողին։
