Կալանավորել են բժշկական համալսարանի անվտանգության աշխատակցին

Բաժանորդագրվեք
Yandex newsTelegram
Հայաստանի ազգային անվտանգության ծառայությունը Sputnik Արմենիայի խնդրանքով ներկայացրել է Մխիթար Հերացու անվան պետական բժշկական համալսարանի անվտանգության պետի ձերբակալման մասնրամասները։

ԵՐԵՎԱՆ, 15 սեպտեմբերի — Sputnik. Անի Լիպարիտյան. Մ. Հերացու անվան պետական բժշկական համալսարանի անվտանգության պետ Վանիկ Գինոսյանին ձերբակալել են կաշառք վերցնելու համար, Sputnik Արմենիային հայտնել է Հայաստանի ազգային անվտանգության ծառայության մամուլի քարտուղար Սամսոն Գալստյանը։

Ավելի վաղ ԶԼՄ-ներում տեղեկություն էր հայտնվել այն մասին, որ օրերս հայկական իրավապահ մարմինների աշխատակիցները ձերբակալել են ԵՊԲՀ ղեկավար կազմի աշխատակիցներին։ Ավելի ուշ պարզվեց, որ խոսքը միայն Վանիկ Գինոսյանի ձերբակալման մասին է։

ԱԱԾ մամուլի քարտուղարը հայտնել է, որ Մ. Հերացու անվան պետական բժշկական համալսարանում առկա չարաշահումների պատճառով քրեական գործ է հարուցվել Հայաստանի քրեական օրենսգրքի 308-րդ հոդվածի 2 մասով (նույն արարքը, որն անզգուշությամբ առաջացրել է ծանր հետևանքներ):

«Հարուցված քրեական գործի շրջանակներում հուլիսի 8-ին բերման էր ենթարկվել Վանիկ Գինոսյանը, այնուհետև նրան մեղադրանք էր առաջադրվել և ձերբակալել էին։ Հետաքննության ընթացքում պարզվեց, որ պետական ավարտական և ընթացիկ քննությունները հանձնելու ժամանակ Վանիկ Գինոսյանը գումարի դիմաց դրական գնահատականներով էր ապահովում որոշ ուսանողների», — ասաց Գալստյանը։

Sputnik Արմենիան մեկնաբանություն է ստացել համալսարանի մամուլի ծառայությունից, որի ուսանողներն են հայտնել Գինոսյանի կաշառք վերցնելու մասին։

Города мира. Ереван - Sputnik Արմենիա
Տնտեսագետ.Կոռուպցիայի մակարդակը նվազեցնելու համար անհրաժեշտ է վերացնել այն ծնող պատճառները

«Ես անձամբ կարող եմ ձեզ այդ մասին տեղեկացնել։ ԶԼՄ-ներում ճշգրիտ տեղեկատվության միայն մի մասն է գրված, քանի որ բերման է ենթարկվել միայն անվտանգության պետ վանիկ Գինոսյանը, և դա տեղի է ունեցել հուլիսին։ Այլ աշխատակից բերման չի ենթարկվել», — ասաց համալսարանի մամուլի ծառայության աշխատակից Ալեքսանդրա Հարությունյանը։

Նա նշեց, որ նախաքննություն է ընթանում, և այս պահին մանրամասներ ներկայացնել չեն կարող։

«Եթե իրավասու մարմինները ձեզ լրացուցիչ տեղեկություն հայտնեն, դիմեք նրանց», — ասաց նա։

Լրահոս
0