ԵՐԵՎԱՆ, 15 սեպտեմբերի — Sputnik. Քրեական գործով Ա. Բադալյանին մեղադրանք էր առաջադրվել ՀՀ քրեական օրենսգրքի 327-րդ հոդվածի 1-ին մասով և միջնորդություն ներկայացվել դատարան՝ նրա նկատմամբ ընտրված խափանման միջոց կալանավորումը վերահաստատելու վերաբերյալ։
Վարույթն իրականացնող մարմինը տեղեկացվել է, որ սեպտեմբերի 14-ին ոստիկանության Շենգավիթի բաժնի երկու ծառայողի ուղեկցությամբ Երևան քաղաքի Արաբկիր և Քանաքեռ-Զեյթուն վարչական շրջանների ընդհանուր իրավասության դատարան տեղափոխելու ընթացքում մեղադրյալը դիմել է փախուստի։
Նա նստել է փողոցում իրեն սպասող «ՎԱԶ 2121» մակնիշի ավտոմեքենան և հեռացել անհայտ ուղղությամբ, հաղորդում է քննչական կոմիտեն։
Ա.Բադալյանի նկատմամբ հայտարարվել է հետախուզում: Ձեռնարկվում են անհրաժեշտ միջոցներ՝ նրա փախուստի դիմելու հանգամանքները պարզելու ուղղությամբ:
