Հայկական ժամանակ. «Որ շատ չտխրեն»
Թերթին հայտնի է դարձել, որ նորանշանակ վարչապետ Կարեն Կարապետյանը կառավարությունը կսկսի ձևևավորել հաջորդ շաբաթվանից։ Կարծիք կա, որ Կարապետյանը չի ցանկացել ոմանց տրամադրությունը փչացնել։
«Կառավարության ձևավորումը կսկսվի Գագիկ Բեգլարյանի որդու հարսանիքից հետո, ամենայն հավանականությամբ այն պատճառով, որ հարսանիքը չանցնի անտրամադիր մթնոլորտում, քանի որ հարսանիքին ներկա նախարարներից ոմանք չեն վերանշանակվի. Նույնը կարող է վերաբերել նաև Գագիկ Բեգլարյանին»,-գրում է թերթը։
«Հայկական ժամանակ ն» ավելացնում է, որ այս օրերին նախկին վարչապետ Հովիկ Աբրահամյանը Դուբայում է։ Թերթը ենթադրում է, որ Աբրահամյանը ցանկւթյուն չունի մասնակցելու այն հարսանիքին, որտեղ ներկա կլինի քաղաքական էլիտան։
Հրապարակ. «Քինախնդի՞ր մարդ է արդյոք վարչապետը»
Թերթի տեղեկություններով, մինչև Կարեն Կարապետյանի վարչապետ նշանակվելը Պետեկամուտների կոմիտեն ստուգումներ է արել Երևանի նախկին քաղաքապետին պատկանող «Ֆլորենս» ռեստորանում։ Ստուգումների արդյունքում որոշ խախտումենր են հայտնաբերվել, մասնավորապես, աշխատանքային օրենսգրքի հետ կապված։
«Ստուգումներից օրեր անց Կարապետյանը վարչապետ է նշանակվել, իսկ հինգշաբթի, կառավարության նիստի ժամանակ, նա հանձնարարեց փոքր և միջին ձեռնարկություններում ստուգումներ անցկացնել միայն ծայրահեղ դեպքերում, բացառել մաքսային ծառայողների հնարավոր սուբյեկտիվ վարքագիծը։ Իսկ ՊԵԿ նախագահ Հովհաննես Հովսեփյանին նա ասել էր դա անել առանց բիզնեսի համար խոչընդոտ ստեղծելու։ Ի դեպ, այս հայտարարությունը հարկային մարմիններում ընդունել են որպես մեսիջ…»,-գրում է թերթը։
Թերթի մեկ այլ տեղեկությամբ, Ֆինանսների նախարար Գագիկ Խաչատրյանը նախարար դառնալուց հետո աշխատանքից ազատել էր Կարեն Կարապետյանի քրոջ ամուսնուն` Արթուր Գելագարովին, որը զբաղեցնում էր Արաբկիրի 1-ին հարկային տեսչության պետի պաշտոնը։ Թերթն առաջարկում է սպասել ու տեսնել` Կարեն Կարապետյանը քինախնդիր է, թե՝ ոչ։
Առավոտ. «Սեյրան Օհանյանը չի ցանկանում դառնալ ՀԱՊԿ գլխավոր քարտուղար»
Թերթի տեղեկություններով ՀՀ պաշտպանության նախարաի պաշտոնակատար Սեյրան Օհանյանը չի ցանկանում ստանձնել ՀԱՊԿ գլխավոր քարտուղարի պաշտոնը։
«Երեկ Սերան Օհանյանն ասել է.«Ինչ վերաբերումէ ՀԱՊԿ գլխավոր քարտուղարի պաշտոնում իմ նշանակմանը, այդպիսի առաջարկություններ չեն եղել, այսօր ես պաշտպանության նախարարի պաշտոնակատար եմ և չեմ պատրաստվում որևէ միջազգային կառույցում աշխատելու»»,-գրում է թերոը։
Լրագրողի այն հարցին, թե արդյյո՞ք նա մերժելու է առաջարկը, Օհանյանը պատասխանել է` միանշանակ։
Հայոց աշխարհ. «Իսկ մենք ասում էինք` մերսի»
Թերթը տեեկացնում է, որ Ֆրանսիայի խորհրդարանի վերին պալատը վերանայել է ցեղասպանությունների վերաբերյալ իր դիրքորոշումը։
«Ֆրանսիայի խորհրդարանի վերին պալատի` սենատի, հանձնաժողովը «Հավասարություն և քաղաքացիություն» օրինագծից հանել է այն հոդվածը, որը վերաբերում էր ցեղասպանությունների և մարդկության դեմ գործված ոճիրների ժխտումը պատժելուն»,-գրում է թերթը։
