ԵՐԵՎԱՆ, 18 սեպտեմբերի — Sputnik. Պետդումայի ընտրություններն անցնում են ընտրողների ակտիվ մասնակցությամբ, ընտրությունների վայրից հայտնում է Sputnik Արմենիայի թղթակիցը:
Իր քաղաքացիական պարտքը կատարեց Հայաստանում Ռուսաստանի Դաշնության արտակարգ և լիազոր դեսպան Իվան Վոլինկինը:
Նա նշել է, որ այսօր կարևոր օր է` Պետդումայի ընտրությունների օրը, յուրաքանչյուր քաղաքացի պետք է կատարի իր ընտրությունը, քանի որ դրանից է կախված երկրի ապագան ու ճակատագիրը։
Նրա խոսքով, ընտրողների այսօրվա ակտիվությունից է կախված այն, թե կոնկրետ ո՞վ է ներկայացնելու Պետդուման ժողովրդի անունից և ո՞վ է օրենքներ հաստատելու:
Դեսպանը կարծում է, որ ընտրողների ակտիվությունն այսօր բավականին բարձր է, և կեսօրին 300 հոգի արդեն իսկ քվեարկել է:
