«Իրանը շարունակում է մնալ Թուրքիայի գլխավոր մրցակիցը տարածաշրջանում, կրոնական առումով` Սաուդյան Արաբիայի մրցակիցը, իսկ համաշխարհային մակարդակով` զուտ այն փաստը, որ 5+1 ձևաչափով կարողացավ հաղթական դուրս գալ, խոսում է Իրանի բարձր դերակատարման մասին»,- ասում է Աբրահամ Գասպարյանը։
Նրա խոսքով` ապրելով Իրանից մի քանի տասնյակ կիլոմետր հեռավորության վրա, մենք` հայերս, գրեթե չգիտենք Իրանը։
«Ողբերգականն այն է, որ Իրանի և իրանցիների մասին պատկերացումները մենք կազմում ենք բացառապես Նովրուզի տոնի շրջանակում Հայաստան ժամանած և իրենց հաճույքն անցկացնող իրանցիների պահվածքից։ Մենք սահմանափակվում ենք այն երևույթների դրվատմամբ կամ քննադատությամբ, որոնք բնորոշ են բոլոր երկրներին։ Նույն տաքսու վարորդը կարող է խաբել և՛ Հայաստանում, և՛ Իրանում, և՛ Շվեյցարիայում»,- ասում է Գասպարյանը։
