ԵՐԵՎԱՆ, 11 հոկտեմբերի — Sputnik. Տարվա լավագույն 100 ֆուտբոլիստների ցուցակն է ներկայացրել բրիտանական Daily Mail-ը, որոնց թվում է Հայաստանի ազգային հավաքականի և անգլիական «Մանչեսթեր Յունայթեդի» կիսապաշտպան Հենրիխ Մխիթարյանը:
Մխիթարյանն ըստ պարբերականի կազմած ցուցակի 73-րդ տեղում է:
Հայ ֆուտբոլիստն ավելի բարձր հորիզոնական է զբաղեցնում, քան իր թիմակից Խուան Մատան (75), որի հետ պայքարում է «Մանչեսթեր Յունայթեդի» մեկնարկային կազմում տեղ գտնելու համար:
